واحشنى

واحشنى ...

أيوه أنت واحشنى ، مستغرب ليــه ؟ !!

بكلمك أنت بتبص وراك ، يا عم أنت واحشنى

ماهو اكيد أنت فى يوم هتقرأ كل الحاجات دى بعد خناق وشد شعر ..

وبعد ما أدوخك ورايا ،، وهتبقى أنت عمال تعلى صوتك وتضحك

وأنا 

مكسووووفه ووشى أحمر :$

وانت برده مصمم تكمل قرايه ، بس أعمل ايه بقى 

بحبك ومش هتعبك معايا أوى.

وأرجع وأقولك واحشنى ..

وطول اليوم بفكر فيك، بقول يا ترى هنتقابل فيــن !!

هكون راكبه اتوبيس وأنت من وسط الزحمه تشوفنى وتعمل سوبر مان وتقعدنى مكانك !!

اتوبيس إيه بس ؟ أنا بركب توكتوك

طب هكون ماشيه وسط الجامعه وأسرح وألاقيك قصادى وفجأه ،، تيرارااا .. "تصوير بطئ"

نخبط فى بعض وكتبى تقع و ....

كتب ايه بس ونخبط إيه !! أنا خلصت أصلا

طب هشوفك فين !!

ولا أنت هتطلعلى منين ..

جايز أنا اللى أطلعلك ، وقتها هتقول عفريت مصرى قصير :)

شوفتك بتضحــك ...  بقى بتقول عليّا عفريت وكمان قصير ؟

طب أنا زحلانه

وعلى فكره دى حجه عشان تصالحنى ...

واتصرف بقى ،

عارفه انك محتار ومش عارف تصالحنى إزاى...

بس انا هقولك

لو فى يوم زعلتنى .. حط إيدك جوه جيبك

وكرمش خمسه جنيه وحطها فى ايدى :D

هنساك وهنسى الزعـــل ...

واحشنى صوتك نفسى أسمعه ، نفسى أسمع اسمى بصوتك انت من بين كل الناس..

أكيد هيبقى أحلى ومختلف

ويــااااه لما اكون منرفزاك وتنادى عليّا بزعيق

وتبقى حواجبك عامله كده

ايوه كده .. زى ما أنت عملتها بالظبط

وأول ما أسمع صوتك

أبص فى الأرض زى الطفل الصغير وأقولك :

_ بتنادى عليّا أنا !!!

مش عايزه اتخيل وقتها هتعلقنى فيــن :)

بس كفايه أسمع صوتك

وكفايه أرخم عليــك

ساعات بكون قاعده لوحدى وأتخيل حياتنا هتبقى عامله ازاى

إن شاء الله هتكون حلوه

بس انت ربنا يصبرك عليا ،، وليــك الجنـه ^__^

لما تيجى تخرج وأشبط فيك زى العيال الصغيره

وتقعد تحلفلى انك نازل الشغل ..

وأنا برده مش عايزه أسيبك

تقوم نازل جايبلى فيشار وآيس كريم

وتخلينى أتفرج على فيلم عصر الجليد لرابع مره

وأول ما يخلص ألاقيك قدامى ;)

_طبعاً وحشتك فجيت بسرعه ..

احم احم

أول ما هقولك كده تقولى :

_ لاء يا حياتى .. النهارده السبت اجازه واحنا الإتنين نسينا

هبصلك بنص عين O.o  وأرميك بالباقى مالفيشار .. ده لو كان باقى حاجه

للدرجه دى نازل وانت كلك إراده تهج مالبــيــت !!

يااااه عالحب 

واحشانى غيرتك مع إنى لسه ما جربتهاش

هموت فيك لما تتخانق معايا عشان واحد بص عليّأ ولما شافك عمل نفسه ميت :)

وهقعد أقولك:

_ وأنا مالى هو اللى بص

بس برده هو معذور .. بزمتك مش معذور !!

ولا لما تقولى اقفلى البلكونه والشبابيك عشان ابن الجيران اللى هيكون لسه فى الإعدادى ..

مش هتضايق من غيرتــك ..

هحبها عشان بس منك

هو انا وحشاك من قبل ما تعرفنى !!

ولا تووووءه !! 

:'(    

      

     

تعالى بقى ...

تعالى بقى !!

دى الكلمه اللى بقولهالك من دلوقت ، ماهو مش معنى إنى طنشت شويه ومش بدور عليك أنت تنسانى خــالص كده وما تجيش....

 ده انت من دلوقت ضحكت إصحابى عليّا ، يرضيك !!!!

 قالوا عنى مجنونه عشان بحلم بيك من وأنا يدوب قد كدهوووو

ما تسألنيش كدهو دى قد إيــه !!

 ماهو أنا أصلى معرفش :)

 
تعالى بقى

 خلينى أفرح من قلبى بجد وأحس إنى متطمنه ، خلينى أنام وأسابق ساعات صحيانى عشان أنتَ اللى هتصحينى.

 وتزعق فيّا بالراحه وتقولى:

 _قومى صلى الفجر

 وقتها هعمل مقموصه شويه ، بس من جوايا هبقى طايره مالفرحه عشان بتحبنى وعرفت تشكُمنى كويس.

 
صحيح
قبل ما أنسى ، وأنت جاى هات معاك أحلامى

 ايــوااان أحلامى زى ما سمعت كده...

ماهو ما تجيش بإيدك فاضيه 

هاتلى بكره حلو ، بكره خير ، بكره أمــان

 وعايزه شقه يدوب أوضتين ولا بلاش خليها صاله وأوضه وهقول الحمــد لله...بس بشـــرط

 تكون جدرانها متينه قويه

 وتستحمل زعلى وزعلــك ، وهزارنا .
والأبواب هتكون شفافه برّاها يتشاف .. جواها أنا وأنت بس اللى نشوفه

 نيجى بقى عالسيراميــك والذى منه :)

 
عايزه بلاطتين ،، بلاطه انتَ وبلاطه انا 

وجدران بيتنا هنلونها بضحكة أهلى وأهلك
لما نتجمع يوم جُمعه على سفرة غدا عملتوا بإيدى.

 
هو أنا ما قولتلكش!!

 
يقطعنى ، شكلى نسيــت.
بدات أتعلم إزاى أطبخ.. وإزاى أبقى ست بيت

 ويا سعدك يا هناك هتدوق من إيدى اللى عمرك ما دوقته

 احم احم .. بلاش أفسر بقى

 هسيبهالك مفاجأه
 

تصدق عمرى ما حلمت بيكي

يعنى لحد دلوقت معرفش شكلك، يا ترى هتكون طويل ولا قصير !!
وشعرك لما انعكشهولك هيبقى شكلك عامل ازاى؟
 وايدك ، وعينك لما تضحك ويلمعوا...

هيبقى عندك غمازتين!!

 يارب يبقى عندك

 عشان أبوسهم وأنت نايم قبل ما أحضرلك الفطار

 واطلع أجرى قبل ما تصحى وتقفشنــى
ياترى شكلك عامل ازاى !!

 وبتعمل ايه دلوقت .. 

أكيد نايم ولا حاسس بالدنيا

 ولا يمكن سهران بتفكر فى القرده اللى هتحبها وتتجوزها 

أيـــوه قرده وستين قرده
ماهى اللى تحبك وتتشاقى وتقعد توصف فيك من دلوقت تبقى قرده ....

 
قردتـــك ما وحشتــكش !!!

 

فشلت بالنسيان

منذُ ذَهبتَ عنى وأنا ،، أنا

تِلك الطفله الغبيه المُدللــه

التى تُحاول فعل كُل شئ بكل طريقه وبأى شئ

لكنِ فشلتْ بالنسيان

وليتــنى ما فشلت بهِ ، ليتــنى

وَضعت ذِكراك خلف ظهرى

ومَضَيت فى طريقى

وأجبرتَ ضَحكاتى على التَعَالى

وصوتى على الصُراخ

وأجبرتَ كلِماتى على الخُروج

وهَمساتى على الصمتْ

لكنِ فَشلتْ فى النسيانِ

حاولت أن أمحوكَ منى

حاولت أن أُلوِث ذِكراك بى 

حاولت أن أدوسك بقدمى

حاولت تشويه ما تَبقى منكَ

حاولت طَمس ملامِحك بمُخَيلتى

حاولت إحتلال أماكنك بِى

لكنِ فشلت فى النسيانِ

رَحلت عن كل مكان جَمعنى بكَ

رحلت عن نفسى وتركتنى

رحلت عن كُل مَن يتَذكركَ

رحلت عن موطنى الذى وُلد فيه حُبى

رحلت وتركتَ كُل شئ خلفى

لكنه تَرك كل شئ واتبعنى هُناك !!

وتأكدت أنى فَشلت فى النسيانِ

زرعت فى حديقتى أشجار الحقد

وسَقيتها من دمائى لعّلى أكرهك 

فنَمت أشجارى وأزهرت

   بالأمل والإنتظار

فَهدمت وحرقت أشجارى 

وفشـــلت فى النسيانِ 

 

سأكرهك

حَدثِنى عَن حُبِِ جَديدِِ تَعِيِشه

حَدِثنى عَن أَيَامكَ مَعَها كَيفَ تَمضي

صِفْ لِى جمَال عَيَنَها وسِحر إبتسَامَتهَا

و زِد عَلى وَصفَك بِكلمَات غَزليه فِى عِشقهَا

وَقتُها سَأَكرَهْك

خَبِّرنى عَنَك وكَم كُنتَ جَبَاناً

اِسطُر إعِترَافَاتْك وإعلنُها أمامِى

صِف نَفسَك بالكَاذبِ والخَائنِ

قُل لِى أنى فِى حُبَك كُنت مَوهُومَه

 وَقتُها سَأَكرَهْك

اِذهَبْ لِكُل أصدِقاءك وإِهزءْ بِى

اِبحثْ عَن أَشباهٍ مِثلِى وبَعِثرهُم فِى طريقى

 اجَعلنِى قصتَك الطَريفَه وَسَط حَكَاويك الليلِيه

اِرُسم لِى شَارباً فِى صوره واِجَعَلِنى إِضحُوكَه

وَقتُها سَأَكرَهْك

اِبعَثْ لِى خِطَابَاتك القَديمه واِقرأ علَى مَسَامِعى كَلِمَاتك لَهُم

سَافِر إلى بِلادٍ بَعيده واِبعَثْ بِصُورك إلى أصدِقائى لِتَصل لى مُحَمله بِشمتَاتِهم 

اِرحَل وقُل للِجَميع قِصَتُنا اِنتَهتْ وأنَا واقِعٌ فى حُب إمرأه ثانِيه

وَقتُها سَأَكرَهْك

 

مَهَما بعُدت بيننا المَسَافات ..
سَتظل خَطوَتُنا قَريبه
ويَومَاً مَــا
سأُريح يَدى فِى راحة يَداك
,,
...وسأرفَعها بالدعاء .. حَامده وشَاكرة لإستِجابة رَبى
لِدعَاء
وَهبتهُ لَك فِى ليله
زّاد إشتياقِى لِوجودكْ بجوارى فيَها

لاَ تُخطِئْ وتُزِيِدَ عِبَاَرَه

فَأنَا لَسْتَ هَذِه السَارَه

لَيسَت نَفسِى بالسُوءِِ أمّارَه

أُنِظُر وَجِهِى وَتَأمْل

عَلّ عِيُونَك مِنْ صَمِتِى تَتَنَدْم

كَيَفَ تَرَانِى وتَرَاهَا !!

يَا مَنْ تَرَك الدُنِياَ مِنْ أَجِل هَواهَا .. 

واليَومَ تَقُول : كَيَف سَأنسَاها !!!

مَن لِى يُنسيِنِى هَوَاك فَأنسَاكَ

فَأترُكَك , فَأُسافِرُ عَلَى بَلَدِِ لا يَعِرِفُهَا إِلا سِوَاهَا

بَلد الهَجِرِ

وبَلْد الجَرحِ

فالآنَ سَتَنسَاها ......

    

يَا لِعُمق وعِظْم حَماقَتِى فِى حُبَكْ

 أَكرُه نَفسِى

أكرُه اِشتيَاقِى لَكْ

أكرُه كَلِمَاتِى لَكْ

ومَازِلت أَنتْ عَن طَريقُك تُبعدُنى !!

كَيفَ تَحملت؟!

كَيَفَ قَبَلت؟!

لِمن؟!!

ولِأجل ما؟!!

لَكَ ومِنْ أجلْ لا شئْ

فَأنَا الوَحيدَه التى حَصلتْ على اللا شئْ

يــــَا لِحَمَاقَتِى !!!