الثلاثاء، 26 يوليو، 2011

مصر ما تستهبليش

مصر !!
أيوه يا ماما بكلمك أنتى وما تطنشيش
وما تحاوليش تجرى،، ماهو لو استخبيتى ورا الهرم ولا لو رميتى نفسك فى النيل
هجرى وأجيبك من قفاكى
..
ايوه كده اقفى وتعالى أحاسبك وتحاسبينى
وما تسمعنيش الكام أغنيه وتقولى:
ما تقولش ايه ادتنا مصر .. وقول هندى ايــه لمصر !!

لاء بقى عرفينى الأول أنا خدت منك ايه
ده انتى أول حد لطش فيا يا مصر ..

جبارينك ظلمونى من وأنا فى اللفه ،، لما سرقوا أرضى فيكى
وأنتى ساكته :(
أنا لو منك يا مصر كنت بلعتهم ، حرقتهم
بس ما اسيبش ظالم على أرضى ،، بيسرق منها
ويقتل فيها ويظلمنى

عاجبك شكلى يا أمى !!
عجزت وأنا عمرى عشرين
ومش محتاج غير لحضنك اتدفى فيه
ممكن تحضنينى !!

أصلى معرفش أكرهك يا مصر
هو معقول أكره حته منى ..
بس ياريتك تحبينى   

 

ليست هناك تعليقات:

إرسال تعليق